«Елім деп соққан жүрегім» атты мерекелік іс-шара.
«Елім деп соққан жүрегім» атты мерекелік іс-шара.
25 қазан – Республика күніне орай Р. Асубаев атындағы жалпы білім беретін мектепте «Елім деп соққан жүрегім» атты мерекелік іс-шара ұйымдастырылды.
Мерекелік шараға 1–9-сынып оқушылары белсене қатысып, Отанға деген сүйіспеншіліктерін, туған жерге деген құрметтерін өнерлері арқылы жеткізді. Оқушылар патриоттық әндер орындап, тақпақтар оқып, еліміздің тәуелсіздігі мен егемендігін дәріптеді.
Іс-шараның негізгі мақсаты – өскелең ұрпақтың бойында отансүйгіштік сезімді қалыптастыру, мемлекеттік рәміздерді құрметтеуге тәрбиелеу, ұлттық құндылықтарды насихаттау және Қазақстанның болашағына деген мақтаныш сезімін арттыру.
Мерекелік шара көтеріңкі көңіл күйде өтіп, оқушыларға ерекше әсер сыйлады. Еліміздің мерейі үстем, тәуелсіздігіміз тұғырлы, болашағымыз жарқын болсын!
