"Спорт күні" мектеп жанындағы жазғы лагерь
Бүгін Р.Асубаев атындағы ЖББМ жанындағы лагердің 6 күні тақырып бойынша спорт күні өтті.
«Спорт күні» аясында лагерь тәрбиеленушілері арасында салауатты өмір салтын насихаттау, дене шынықтыруға қызығушылықтарын арттыру және командалық бірлікті нығайту мақсатында спорттық жарыстар ұйымдастырылды. Балалар екі топқа бөлінді: «Қыран» және «Тұлпар».
Жарыс барысында қатысушылар түрлі спорттық эстафеталарға, жылдамдық пен ептілікті қажет ететін сайыстарға белсене қатысты. Әр топ өздерінің ұйымшылдығын, төзімділігін және жеңіске деген жігерін көрсетті. Спорттық ойындар балаларға көтеріңкі көңіл-күй сыйлап, достық қарым-қатынасты нығайтуға ықпал етті.
Іс-шара соңында барлық қатысушылар белсенділіктері үшін мадақталып, спортпен шұғылданудың денсаулық үшін маңыздылығы туралы түсініктерін кеңейтті. «Спорт күні» балалардың жазғы демалысын қызықты әрі пайдалы өткізуге мүмкіндік берген жарқын мерекеге айналды.
Дене шынықтыру мұғалімі: М.О.Рыспаев
Тәрбиешілер: З.М.Блялова
Д.Ж.Бекмагамбетова
