"Адал азамат" біртұтас тәрбие бағдарламасы аясында кездесу өтті
Баршын тірек мектебінде «Адал азамат» біртұтас тәрбие бағдарламасының жоспарына сәйкес 7-сынып қыздарымен "қауіпсіз қоғам" тақырыбында маңызды кездесу ұйымдастырылды.
Іс шараға жергілікті учаскелік инспектор Р. А. Исабеков және мектеп психологі Мерзасаринова С.И. қатысты.
Кездесу барысында:
жасөспірімдер арасындағы құқықбұзушылықтың алдын алу, қыз балалардың қауіпсіздігі, буллинг пен кибербуллингтің алдын алу, әлеуметтік желідегі жауапкершілік, адалдық пен адамгершілік құндылықтары туралы кеңінен түсіндіру жұмыстары жүргізілді.
Оқушылар көкейлеріндегі сұрақтарын қойып, ашық пікір алмасты. Мамандар тарапынан нақты кеңестер беріліп, өмірлік жағдаяттар талқыланды.
Мақсаты – саналы, жауапты, адал әрі қауіпсіз орта қалыптастыру.
Осындай тәрбиелік кездесулер алдағы уақытта да жалғасын табады.
