Тәрбие сағатының мақсаты – оқушыларға лудомания ұғымы туралы түсінік беру, оның адам өміріне, психологиялық жағдайына және болашағына тигізетін кері әсерін ұғындыру, саналы таңдау жасауға және өз әрекетіне жауапкершілікпен қарауға үйрету.

Сабақ тақырыбы «Адал азамат» бағдарламасының құндылықтарымен және жалпы тәрбие бағдарламасымен тығыз байланыста өтті.

Сонымен қатар қауіпсіздік сабағы ұйымдастырылды. Тақырыбы: «Жедел жәрдем нөмірлері және сенім телефондары». Мақсаты – оқушыларды төтенше жағдайларда дұрыс әрекет етуге, сондай-ақ көмек сұраудан қорықпауға үйрету.

Сабақ барысында заманауи технологиялар, соның ішінде жасанды интеллект мүмкіндіктері дәстүрлі оқыту әдістерімен ұштастырылды. Оқушылар өз ойларын нақты әрі еркін жеткізе білді. Сабақ соңында оқушылар лудомания – уақытша қызығушылық, ал адал еңбек, білім мен жауапкершілік – жарқын болашақтың негізі екені жөнінде қорытынды жасады.
Адал азамат әрқашан саналы таңдау жасайды деген тұжырым қалыптасты.