Күзгі каникул кезіндегі қауіпсіздік ережелері
Ахмет Байтұрсынұлы атындағы тірек мектебінің 9-сынып оқушыларына күзгі каникул кезінде қауіпсіздік ережелерін сақтау туралы түсіндіру жұмыстары жүргізілді.
Каникул уақытында оқушылардың өмірі мен денсаулығының қауіпсіздігін қамтамасыз ету мақсатында төмендегі ережелер ескертілді:
Жолда жүру қауіпсіздігі: жол қозғалысы ережелерін сақтау, жолды тек белгіленген жерден кесіп өту.
Өрт қауіпсіздігі: сіріңкемен, оттықпен ойнамау, электр құралдарын абайлап пайдалану.
Су айдындарындағы қауіпсіздік: рұқсат етілмеген су жағалауларына бармау, жұқа мұзға шықпау.
Қоғамдық орындардағы қауіпсіздік: бейтаныс адамдармен бірге кетпеу, жеке қауіпсіздік ережелерін сақтау.
Үйдегі қауіпсіздік: газ және электр құралдарын қараусыз қалдырмау, қауіпті заттарды ұстамау.
Интернет қауіпсіздігі: жеке мәліметтерді бейтаныс адамдарға бермеу, күмәнді сілтемелерге өтпеу.
Күзгі каникулды көңілді әрі қауіпсіз өткізу — әр оқушының жауапкершілігі. Барша оқушыларға демалыс уақытын пайдалы өткізіп, қауіпсіздік ережелерін қатаң сақтауды тілейміз!
Сынып жетекшісі:
Тускенова Г.С.
#Нұра_білім_бөлімі
@takishevdarkhan