Республика күні құтты болсын!
25 ҚАЗАН – РЕСПУБЛИКА КҮНІ! 
Нұра жалпы білім беретін мектебінде 25 қазан – Республика күніне орай мерекелік концерттік бағдарлама ұйымдастырылды.
Мерекелік шара барысында оқушылар әсем ән шырқап, мың бұрала би билеп, өнерлерін ортаға салды. Сонымен қатар ұлттық құндылықтарымызды дәріптейтін қазақтың ұлттық киімдерінен дефиле көрсетіліп, көрермендерге ерекше әсер сыйлады.
Шара аясында ұлттық қолөнер көрмесі ұйымдастырылып, халқымыздың бай мәдени мұрасы мен қолөнер туындылары таныстырылды. Көрме арқылы оқушылар ұлттық өнерге деген қызығушылықтарын арттырып, ата-бабадан мирас болған асыл мұраларымызды құрметтеудің маңызын ұғынды. Мерекелік бағдарлама оқушылардың бойында отансүйгіштік сезімді қалыптастырып, туған елге деген сүйіспеншілікті арттыруға, ұлттық мәдениетіміз бен салт-дәстүрлерімізді дәріптеуге бағытталды.
Тәуелсіздігіміз тұғырлы, еліміз еңселі, көк байрағымыз мәңгі желбірей берсін! Республика күні құтты болсын!
