Күннің тақырыбы – «1–5 сандары». Іс-шаралардың мақсаты – тәрбиеленушілердің 1-ден 5-ке дейінгі сандар туралы білімдерін бекіту, санау дағдыларын дамыту, логикалық ойлау қабілеттерін арттыру және пәнге деген қызығушылықтарын ояту.

Күн «1–2 дейін санаймыз» атты ойынмен басталды. Кіші топ балалары ойын арқылы 1 және 2 сандарын қайталап, заттарды салыстырып, санау жаттығуларын орындады. Балалар белсенділік танытып, тапсырмаларды қызығушылықпен орындады.

Ортаңғы топта «1–3 дейін санау» танымдық ойыны ұйымдастырылды. Балалар 1-ден 3-ке дейін санауды пысықтап, көрнекіліктер арқылы сандарды сәйкестендірді. Ойын барысында балалардың есте сақтау және ойлау қабілеттері дамыды.

«1–5 дейін санау» атты ашық іс-әрекет барысында ересек және мектепалды топ тәрбиеленушілері 1-ден 5-ке дейін еркін санап, есептер шығарып, логикалық тапсырмалар орындады. Балалар сандарды ретімен орналастырып, салыстыру жұмыстарын жүргізді.

Күннің екінші жартысында «Смарт-Экспресс: сандармен қызықты саяхат» байқауы өтті. Балалар түрлі ойындар мен тапсырмалар арқылы сандар әлеміне саяхат жасап, білімдерін көрсетті.
Жалпы алғанда, күн мазмұнды, қызықты әрі нәтижелі өтті. Балалар өз білімдерін бекітіп, математика пәніне деген қызығушылықтарын арттырды.