Таза Қазақстан: Конституция құндылықтары – экологиялық мәдениет пен жауапкершіліктің негізі
«Таза Қазақстан: Конституция құндылықтары – экологиялық мәдениет пен жауапкершіліктің негізі» тақырыбында 8-сынып оқушылары арасында сынып сағаты өткізілді.
Сынып сағатының негізгі мақсаты – оқушыларға қоршаған ортаны қорғаудың маңызын түсіндіру, экологиялық мәдениетті қалыптастыру және табиғатқа жауапкершілікпен қарауға тәрбиелеу. Іс-шара барысында Қазақстан Республикасының Конституциясындағы азаматтардың табиғатты қорғау және қоршаған ортаға ұқыпты қарау қағидаларымен байланысты құндылықтар талқыланды.
Оқушылар «Таза Қазақстан» идеясын қолдай отырып, тазалық сақтау, қоқысты сұрыптау, табиғи ресурстарды үнемдеу, қоршаған ортаны ластамау сияқты күнделікті өмірдегі қарапайым әрі маңызды әрекеттер туралы пікір алмасты. Сонымен қатар әр азаматтың табиғатты қорғауға қосатын үлесі мен қоғам алдындағы жауапкершілігі жөнінде ой бөлісті.
Сынып сағаты барысында оқушылар экологиялық жауапкершіліктің тек табиғатты қорғаумен шектелмей, саналы азаматтық ұстаным мен қоғамдық мәдениеттің маңызды бөлігі екенін түсінді.
