«Қамқорлық» акциясы өтті
1 қазан Қарттар күніне орай С. О. Талжанов атындағы НОМ-ның өзін-өзі басқару ұйымының мүшелері 8-9 сынып оқушылары «Қамқорлық» акциясын ұйымдастырды.
Акция барысында жалғыз тұратын қарт Төреханова Айнагүл әжейдің үйіне барып, жағдайын сұрап, тұрмыстық қажеттіліктеріне қолдау көрсетілді. Оқушылар қарияға жылы лебіздерін білдіріп, үй шаруасына көмектесті.
Іс-шараның негізгі мақсаты – аға буынға құрмет көрсету, жалғыз басты қарттарға қамқорлық таныту, оқушыларды мейірімділікке, ізгілікке, үлкенді сыйлауға және қайырымдылық жасауға тәрбиелеу.
Қарт әжей оқушыларға ақ батасын беріп, ризашылығын білдірді.
«Қариясы бар үйдің – қазынасы бар» дегендей, үлкенге құрмет көрсету – ұрпақ тәрбиесінің маңызды бөлігі.
Акция барысында оқушылар қарт жанға көңіл бөліп, өздерінің ізгі ниеті мен қамқорлығын көрсетті.
Аға тәлімгер Ж.Ж.Абенова
#Адал_азамат
#Заңментәртіп
#Біртұтас_тәрбие
#oqu_agartu_ministrligi
#altynsarin_akademiasy
#obb_qaragandy
#umckrg
#нұраауданыбілімбөлімі
