2024 жылдың 11 желтоқсан күні Абай ауданының «Сапалы білім баршаға қолжетімді» Ұлттық баяндамасын жүзеге асыру бойынша жол картасын іске асыру аясында «Таңшолпан» бөбекжайы» КМҚК құзыреттілік Орталығында «Ұлттық құндылықтар-асыл мұра» атты тақырыпта аудандық семинар-практикум өтті.

Семинарда «Таңшолпан» бөбекжайы» КМҚК құзыреттілік Орталығына енген Абай ауданының білім беру ұйымдары, сонымен қатар «Әжелер мектебінің» өкілдері қатысты.

«Таңшолпан» бөбекжайы» КМҚК, «Еркетай» бөбекжайы» КМҚК, «№9 жалпы білім беретін мектебі» КММ жанындағы шағын орталықтың педагогтері берілген бағытта өз жұмыс тәжірибелерімен бөлісті. «Мейірімділік ағашы» рефлексиясында әр қатысушының жүрек шынайылығымен, ақыл даналығымен, жан махаббатымен, жылы лебіздерімен әрбір жапырақ толтырылды.

Семинар-практикум қатысушылары мектепке дейінгі білім беру призмасы арқылы ұлттық құндылықты танып білді. Өйткені, біздің мұра мемлекетіміздің ең кішкентай бүлдіршіндерінен бастау алады. Бұл игі іс боларына сеніміміз мол.